МАТЕМАТИЧКО НИШАЛО
Нишало е секое тело кое е врзано со јаже (нерастеглива нишка) и пуштено кон долу и може да осцилира во вертикална рамнина.
На него дејствува силата на земјината тежа Fg и силата на затегнување на јажето.
Кога таквото тело ќе го извадиме од рамнотежната положба (ќе го занишаме), тоа ќе почне да се движи.
Тоа движење е периодично, осцилаторно околу својата рамнотежна положба.
Најчесто за нишало земаме мало метално топче закачено на танок конец – за ваквото нишало велиме дека има мал или занемарливо мал отпор од воздухот.
Должината на конецот од топчето до точката каде што е врзано се нарекува ДОЛЖИНА НА НИШАЛОТО.
Велиме дека МАТЕМАТИЧКО НИШАЛО е она кај кое топчето е занемарливо мало, т.е. чиј дијаметар е занемарлив во однос на должината на конецот и има занемарливо мала маса.
На пример, нишка со должина од 1 m и топче со дијаметар од 1 cm прават математичко нишало, но нишка со иста должина и топче со дијаметар од 10 cm не прават математичко нишало.
